Зяленскі накіраваўся ў Нідэрланды
Прэзідэнт Украіны Уладзімір Зяленскі з Хельсінкі накіраваўся ў Нідэрланды на ўрадавым самалёце гэтай краіны, піша Бі-бі-сі.
Уладзімір Зяленскі. Фота AP
Гэты самалёт вылецеў з аэрапорта ў Хельсінкі ў Фінляндыі, дзе Зяленскі нечакана пабываў на саміце краін Паўночнай Еўропы і, як паведамляецца, ужо прызямліўся ў Нідэрландах у міжнародным аэрапорце «Схіпхол».
Чакаецца, што ў чацвер у Гаазе прэзідэнт Зяленскі выступіць з прамовай пад назвай «Няма міру без справядлівасці».
На думку экспэртаў, Зяленскі, хутчэй за ўсё, папросіць аб дадатковай вайсковай падтрымцы. У прыватнасці, Украіна хоча ад сваіх саюзнікаў больш боепрыпасаў, але асабліва дальнабойнай зброі і знішчальнікаў.
У Гаазе размешчаны Міжнародны крымінальны суд, які выдаў ордар на арышт Уладзіміра Пуціна і расійскага дзіцячага амбудсмена Марыі Львовай-Бяловай.
Чытайце таксама:
У Нямеччыне анансавалі візіт Зяленскага. Зараз ён можа сарвацца
Зяленскі прыбыў у Фінляндыю па запрашэнні прэзідэнта краіны Саўлі Нііністэ
