Дырэктарку «Слаўцэнтра» Ірыну Зімневу аштрафавалі і не адпусцілі
Праваабаронцам стала вядома, што сёння ў судзе Маскоўскага раёна суддзя Таццяна Мотыль прызначыла Ірыне Зімневай штраф — 20 базавых велічыняў (740 рублёў) паводле арт. 19.1 КаАП («Хуліганства»). Але на волю жанчына пасля таго ўсё адно не выйшла.
Ірына Зімнева
Справу Ірыны разглядалі два дні. Суддзя Мотыль пасля таго, як учора заслухала жанчыну і яе абаронцу, абвясціла перапынак да наступнай раніцы 13 красавіка. Пасяджэнне праходзіла анлайн, Ірыне ставілі ў віну, нібыта яна «лаялася на міліцыянтаў».
Сёння ж раніцай адбыліся ператрусы ва ўсіх офісах «Слаўцэнтра», была забраная тэхніка. Затрымалі мужа Ірыны Аляксея — ён дагэтуль знаходзіцца ў РУУС. А саму Зімневу пасля штрафу таксама не адпусцілі, дакладна невядома, дзе яна цяпер знаходзіцца. Таксама невядома, ці гэта затрыманне паводле новай справы, ці іншая працэдура.
Дома ў сямейнай пары застаюцца дзве непаўналетнія дачкі.
Чытайце таксама:
Сталі вядомыя падрабязнасці затрымання дырэктаркі Цэнтра славянскіх моў Ірыны Зімневай
