Крыху паменшае стаўка рэфінансавання
З 23 студзеня стаўка рэфінансавання ў Беларусі складзе 11,5 працэнта гадавых замест 12 працэнтаў, паведамляе прэс-служба Нацбанка.
Па крэдыце авернайт стаўка складзе 12,5% гадавых замест 13%, па дэпазіце авернайт — 10,5% гадавых замест прынятых раней 11%.
Як адзначаюць у прэс-службе Нацыянальнага банка, апошнія месяцы ў краіне назіраецца ўстойлівае запаволенне інфляцыі: да прыкладу, у снежні мінулага года гадавы прырост спажывецкіх цэн склаў 12,8 %, а агрэгіраваны паказчык трэндавай інфляцыі ўсталяваўся на ўзроўні 10,2% гадавых.
Паляпшэнне інфляцыйных чаканняў насельніцтва дазваляе захаваць прыток рублёвых сродкаў у банкаўскую сістэму. Улічваючы прагназаванае далейшае запаволенне інфляцыі, праўленне Нацбанка вырашыла знізіць стаўку рэфінансавання на 50 базісных пунктаў.
