Чаму ў птушак не мерзнуць лапкі?
Чым птушыны цеплаабмен адрозніваецца ад чалавечага, тлумачыць тэлеграм-канал «Дзікая прырода побач».
Мандарынка ў Слоніме. Фота: Дзмітрый Конеў
Сістэма артэрый птушыных лапак «прыводзіць» у іх кроў тэмпературай каля 40 градусаў. Цёплая кроў грэе і насычае тканкі кіслародам. Пакуль яна бяжыць па гэтай артэрыяльнай сістэме, то астывае да 2—4 градусаў. А калі падымаецца ад лап да цела па венах, уступае ў працэс цеплаабмену з гарачымі артэрыямі, цяплее і ў цела прыходзіць ужо ў прымальным тэмпературным стане.
Падтрымліваць тэмпературу лап у 2—3 градусы прасцей, чым спрабаваць увесь час грэць іх да 40 градусаў. Такімі «халоднымі» лапкамі мароз адчуваецца менш, чым калі б тэмпература канечнасцяў была 40 градусаў. Гэта таму, што розніца тэмператур не такая вялікая. Для вадаплаўных гэта наогул выдатна, бо ў зімовай чатырохградуснай вадзе ім нават цёпла.
Успомні: калі прыходзіш з марозу і сунеш астылыя рукі пад халодную ваду, яна і праўда здаецца цёплай!
Чытайце таксама:
Тры беларускія буслянкі ўвайшлі ў топ-10 самых вялікіх гнёздаў белых буслоў у Еўропе
Найлепшы антыстрэс. Анлайн-кармушка ў Белавежскай пушчы пачала новы сезон
Лебедзі не адляцелі ў вырай? Гэта нармальна
Дык, зімуюць жа! Кажуць, што на Лукомльскім возеры. Там Лукомльская ГРЭС скідвае цёплыя воды. Там не толькі лебедзі зімуюць, там нават крэветак разводзяць! Але, ладна, я там сам зімой не быў. Зімуючых лебедзяў бачыў і ў Глыбокім. Мусіць, калі мароз зусім прыцісне -- лятуць тады на тое Лукомльскае возера?