Čamu ŭ ptušak nie mierznuć łapki?
Čym ptušyny ciepłaabmien adroźnivajecca ad čałaviečaha, tłumačyć telehram-kanał «Dzikaja pryroda pobač».
Mandarynka ŭ Słonimie. Fota: Dźmitryj Konieŭ
Sistema arteryj ptušynych łapak «pryvodzić» u ich kroŭ tempieraturaj kala 40 hradusaŭ. Ciopłaja kroŭ hreje i nasyčaje tkanki kisłarodam. Pakul jana biažyć pa hetaj arteryjalnaj sistemie, to astyvaje da 2—4 hradusaŭ. A kali padymajecca ad łap da cieła pa vienach, ustupaje ŭ praces ciepłaabmienu z haračymi arteryjami, ciapleje i ŭ cieła prychodzić užo ŭ prymalnym tempieraturnym stanie.
Padtrymlivać tempieraturu łap u 2—3 hradusy praściej, čym sprabavać uvieś čas hreć ich da 40 hradusaŭ. Takimi «chałodnymi» łapkami maroz adčuvajecca mienš, čym kali b tempieratura kaniečnaściaŭ była 40 hradusaŭ. Heta tamu, što roźnica tempieratur nie takaja vialikaja. Dla vadapłaŭnych heta naohuł vydatna, bo ŭ zimovaj čatyrochhradusnaj vadzie im navat ciopła.
Uspomni: kali prychodziš z marozu i sunieš astyłyja ruki pad chałodnuju vadu, jana i praŭda zdajecca ciopłaj!
Dyk, zimujuć ža! Kažuć, što na Łukomlskim voziery. Tam Łukomlskaja HRES skidvaje ciopłyja vody. Tam nie tolki lebiedzi zimujuć, tam navat krevietak razvodziać! Ale, ładna, ja tam sam zimoj nie byŭ. Zimujučych lebiedziaŭ bačyŭ i ŭ Hłybokim. Musić, kali maroz zusim pryciśnie -- latuć tady na toje Łukomlskaje voziera?