Знайсці
16.09.2022 / 09:167РусŁacБел

Сэрцы закаханых, пальцы і клямка, мама-качка. За што далі Шнобелеўскія прэміі ў гэтым годзе

Даследчыкі, якія ўстанавілі, што сэрцы закаханых пачынаюць біцца ў адным рытме, увайшлі ў лік уладальнікаў Шнобелеўскай прэміі, якая прысуджаецца за нестандартныя ідэі і абсурдныя навуковыя дасягненні. Уручэнне адбылося ўчора.

Група навукоўцаў з Чэхіі, Нідэрландаў, Вялікабрытаніі, Нямеччыны, Швецыі і Арубы высветлілі, што «сэрцы рамантычных партнёраў, якія спадабаліся адзін аднаму пры першай сустрэчы, пачынаюць біцца ў адным рытме».

Згодна з іх высновамі, менавіта сінхранізацыю частаты біцця сэрцаў прынята лічыць іскрай, якую адчуваюць закаханыя. Даследчыкі былі ўдастоеныя прэміі ў катэгорыі «Прыкладная кардыялогія».

Лаўрэатам Шнобелеўскай прэміі ў 10 катэгорыях дасталіся папяровыя цыліндры, якія сімвалізуюць сабой «кантэйнер для захоўвання ўсіх іх ведаў». Акрамя таго, пераможцы атрымалі копіі купюр вартасцю 10 трыльёнаў зімбабвійскіх даляраў. Арыгіналы гэтых банкнот ужо выйшлі з абарачэння і ўяўляюць толькі калекцыйную каштоўнасць, пры гэтым нават у перыяд звароту іх можна было абмяняць толькі на некалькі даляраў ЗША.

Лаўрэаты ў іншых катэгорыях

Даследнікі з Японіі атрымалі Шнобелеўскую прэмію ў катэгорыі «Тэхніка» за працу, накіраваную на вывучэнне таго, колькі пальцаў патрабуецца чалавеку, каб павярнуць круглую клямку ў залежнасці ад яе дыяметра.

Прэмія ў катэгорыі «Гісторыя мастацтва» дасталася навукоўцам з Нідэрландаў, якія знайшлі на цагляным посудзе індзейцаў майя сведчанні таго, што яны выкарыстоўвалі клізмы з дурманлівым змесцівам у рытуальных абрадах.

Прэміі ў катэгорыі «Літаратура» за працу па вывучэнні таго, што робіць такімі складанымі для разумення юрыдычныя тэксты, удастоеныя даследчыкі з Канады, ЗША, Вялікабрытаніі і Аўстраліі. У катэгорыі «Біялогія» Шнобелеўскую прэмію атрымалі даследчыкі анатамічных асаблівасцяў скарпіёнаў з Бразіліі і Калумбіі.

Прэміі ў катэгорыі «Медыцына» ўдастоіліся навукоўцы з Польшчы, якія высветлілі, што спажыванне марожанага зніжае болевыя адчуванні пацыента пры праходжанні курсу хіміятэрапіі.

Навукоўцы з Кітая, Вялікабрытаніі, Турцыі і ЗША атрымалі прэмію за навуковую працу, прысвечаную таму, па якім прынцыпе выстройваюцца качаняты, што ідуць за мамай-качкай.

Прэмію ў галіне эканомікі атрымалі навукоўцы з Італіі, якія зацікавіліся пытаннем пра тое, чаму поспеху часцей дамагаюцца не самыя таленавітыя, а самыя ўдачлівыя.

Узнагароду ў катэгорыі «тэхніка бяспекі» атрымаў шведскі навуковец, які стварыў фігуру лася для правядзення аўтамабільных краш-тэстаў.

Шнобелеўскую прэмію міру атрымалі даследчыкі з Кітая, Венгрыі, Нідэрландаў, Вялікабрытаніі, Італіі, Аўстраліі, Швейцарыі і ЗША, якія распрацавалі алгарытм, які дапамагае вырашыць, у якіх выпадках лепш схлусіць, а ў якіх варта сказаць праўду.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
16
Панылы сорам
2
Ха-ха
30
Ого
1
Сумна
0
Абуральна
3
0
"да - жизнь малина" - кто сказал?)/адказаць/
17.09.2022
часам бываюць такія моманты, калі атрымаць шнобеля ці маліну лепей, чым нобеля )
0
Максим Дизайнер/адказаць/
17.09.2022
И все эти дармоеды с лычками "ученые" позиционируют себя, как умные люди. И получают в5-10 раз больше беларуских врачей
17.09.2022
Кстати - категория - техника бяспеки.. весьма актуальна для беларуси))!! Еще бы я напрягся над темой уклонения от идущего поезда во время гуляния на путях семьями)) особенно актуальная проблема
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031