Расійскія знішчальнікі Су-35С перабазуюцца ў Беларусь
Шматмэтавыя знішчальнікі Су-35С Паветрана-касмічных сіл Расіі ажыццяўляюць перабазаванне ў Беларусь у рамках праверкі сіл рэагавання Саюзнай дзяржавы. Пра гэта паведамляе ТАСС са спасылкай на Мінабароны РФ.
Фота Мінабароны Расіі
«Экіпажы шматмэтавых знішчальнікаў Су-35С Усходняй вайсковай акругі, якія прыцягваюцца да праверкі сіл рэагавання Саюзнай дзяржавы, працягваюць перабазаванне на беларускія аэрадромы», — сказалі ў вайсковым ведамстве.
«Пасля прыбыцця на аэрадромы Беларусі экіпажы шматфункцыянальных знішчальнікаў Су-35С заступяць на баявое дзяжурства па супрацьпаветранай абароне ў рамках праверкі пытанняў функцыянавання адзінай сістэмы СПА Саюзнай дзяржавы», — сказалі ў ведамстве.
Асноўная фаза сумесных беларуска-расійскіх вучэнняў «Саюзная рашучасць» пройдзе з 10 па 20 лютага.
Чытайце таксама:
Расійскія войскі прыбываюць у Беларусь — колькі, з чым і навошта?
ЗША прыгразілі Беларусі «рашучым і хуткім адказам» з-за сітуацыі вакол Украіны
