Паслы 27 краін ЕС узгодняць чацвёрты пакет санкцый
Камітэт пастаянных прадстаўнікоў 27 дзяржаў ЕС узгодніць у сераду чацвёрты пакет забаронных мер супраць уладаў Беларусі, гаворыцца ў праграме працы інстытутаў ЕС на 16 чэрвеня, піша ТАСС.
«Рашэнне па абмежавальных мерах у сувязі з сітуацыяй у Беларусі», — гаворыцца ў дакуменце.
Раней крыніцы ў Бруселі паведамлялі, што ў чорны спіс ЕС плануецца ўключыць каля 80 фізічных і сем юрыдычных асобаў.
Для ўступлення гэтага новага пакета санкцый у сілу ён павінен быць фармальна зацверджаны Радай ЕС на міністэрскім узроўні. Чакаецца, што гэта адбудзецца 21 чэрвеня на сустрэчы кіраўнікоў МЗС ЕС у Бруселі.
Гэты блок санкцый ЕС распрацоўваўся ўжо даўно, аднак яго ўвядзенне было паскорана пасля інцыдэнту з пасадкай у Мінску самалёта Ryanair і арышту Рамана Пратасевіча.
