Pasły 27 krain ES uzhodniać čaćviorty pakiet sankcyj
Kamitet pastajannych pradstaŭnikoŭ 27 dziaržaŭ ES uzhodnić u sieradu čaćviorty pakiet zabaronnych mier suprać uładaŭ Biełarusi, havorycca ŭ prahramie pracy instytutaŭ ES na 16 červienia, piša TASS.
«Rašeńnie pa abmiežavalnych mierach u suviazi ź situacyjaj u Biełarusi», — havorycca ŭ dakumiencie.
Raniej krynicy ŭ Brusieli paviedamlali, što ŭ čorny śpis ES płanujecca ŭklučyć kala 80 fizičnych i siem jurydyčnych asobaŭ.
Dla ŭstupleńnia hetaha novaha pakieta sankcyj u siłu jon pavinien być farmalna zaćvierdžany Radaj ES na ministerskim uzroŭni. Čakajecca, što heta adbudziecca 21 červienia na sustrečy kiraŭnikoŭ MZS ES u Brusieli.
Hety błok sankcyj ES raspracoŭvaŭsia ŭžo daŭno, adnak jaho ŭviadzieńnie było paskorana paśla incydentu z pasadkaj u Minsku samalota Ryanair i aryštu Ramana Pratasieviča.
