Лукашэнка аб просьбе «ЛНР» апытаць Пратасевіча: Будуць пытанні — калі ласка да нас
Аляксандр Лукашэнка заявіў, што не супраць апытання Рамана Пратасевіча па заведзенай крымінальнай справе ў сувязі з падзеямі на Данбасе, запрасіў вядучых гэту справу «следчых» у Мінск.
«Генеральная пракуратура» так званай «ЛНР» завяла «крымінальную справу» супраць Пратасевіча і заявіла аб гатоўнасці прадаставіць беларускім праваахоўным органам наяўную інфармацыю і прававую дапамогу ў расследаванні справы ў дачыненні да яго. Там таксама звярнуліся да беларускіх праваахоўных органаў з просьбай даць магчымасць правесці следчыя дзеянні з Пратасевічам.
«Ёсць нюанс: на Данбасе заведзеная крымінальная справа па гэтых персаналіях. Я нагадаў прэзідэнту Пуціну, што заведзеная крымінальная справа, і сказаў, што калі ў іх будуць пытанні да іх — калі ласка да нас, калі ласка, задайце ім пытанні, таму што людзей яны забівалі там, на Данбасе», — сказаў Лукашэнка ў аўторак. Урывак нарады паказала беларускае тэлебачанне.
