Łukašenka ab prośbie «ŁNR» apytać Pratasieviča: Buduć pytańni — kali łaska da nas
Alaksandr Łukašenka zajaviŭ, što nie suprać apytańnia Ramana Pratasieviča pa zaviedzienaj kryminalnaj spravie ŭ suviazi z padziejami na Danbasie, zaprasiŭ viadučych hetu spravu «śledčych» u Minsk.
«Hienieralnaja prakuratura» tak zvanaj «ŁNR» zaviała «kryminalnuju spravu» suprać Pratasieviča i zajaviła ab hatoŭnaści pradastavić biełaruskim pravaachoŭnym orhanam najaŭnuju infarmacyju i pravavuju dapamohu ŭ rasśledavańni spravy ŭ dačynieńni da jaho. Tam taksama źviarnulisia da biełaruskich pravaachoŭnych orhanaŭ z prośbaj dać mahčymaść pravieści śledčyja dziejańni z Pratasievičam.
«Jość niuans: na Danbasie zaviedzienaja kryminalnaja sprava pa hetych piersanalijach. Ja nahadaŭ prezidentu Pucinu, što zaviedzienaja kryminalnaja sprava, i skazaŭ, što kali ŭ ich buduć pytańni da ich — kali łaska da nas, kali łaska, zadajcie im pytańni, tamu što ludziej jany zabivali tam, na Danbasie», — skazaŭ Łukašenka ŭ aŭtorak. Uryvak narady pakazała biełaruskaje telebačańnie.