Zdahadajciesia, na kaho advučyŭsia Raman Pratasievič
Fota siertyfikata jon padzialiŭsia ŭ sacsietkach.
Raman Pratasievič vyvučyŭsia na elektrazvarščyka 3-ha razradu.
«Z hetaha dnia dypłamavany zvarščyk treciaha razradu: ) Žyvie rabočy kłas!» — napisaŭ jon u telehramie.
U Minsku elektrazvarščyk biez dośviedu pracy moža zarablać ad 1500 da 2750 rubloŭ, zhodna z vakansijami na sajcie rabota.by.
***
Eks-redaktar Nexta Raman Pratasievič byŭ zatrymany razam z Safijaj Sapiehaj 23 maja 2021 hoda ŭ Minsku paśla prymusovaj pasadki rejsu Afiny — Vilnia, jaki zastavili źmianić maršrut i sieści ŭ stalicy Biełarusi.
Raman i Safija byli zatrymanyja i adpraŭlenyja ŭ SIZA. Praź niejki čas jany byli pieraviedzienyja pad chatni aryšt.
Safiju Sapiehu asudzili ŭ mai 2022 hoda na šeść hadoŭ kałonii pa spravie «Čornaj knihi Biełarusi». Za kratami dziaŭčyna praviała 13 miesiacaŭ i była pamiłavanaja.
Raman Pratasievič. Fota: BiełTA
Raman Pratasievič byŭ asudžany 3 maja 2023 hoda na 8 hadoŭ kałonii ŭzmocnienaha režymu pa spravie Nexta, ale jaho pakinuli pad chatnim aryštam da momantu ŭstupleńnia prysudu ŭ siłu. 16 maja jaho pamiłavali. Praz kamisiju pa viartańni ŭ Biełaruś pryjechała maci Pratasieviča, jakaja žyła ŭ Polščy.
Uzimku Ramana Pratasieviča vyklučyli sa śpisu «ekstremistaŭ», u jaki ŭnieśli za dva miesiacy da taho.
Čytajcie taksama:
Raman Pratasievič anansavaŭ svajo viartańnie ŭ vialikaje błohierstva
Ramana Pratasieviča vydalili sa śpisu ekstremistaŭ
«Navat svajho hatovyja źmiašać z brudam». Pratasievič vylez na BT z kryŭdami na byłych kaleh
