Jašče adzin biełarus staŭ achviaraj pravakatara Komara
Adzin z telehram-kanałaŭ siłavikoŭ apublikavaŭ videa zatrymańnia žychara Hrodna, jaki mieŭ nieaściarožnaść parazmaŭlać u čat-ruletcy ź viadomym pravakataram Juryjem Komaram.
Kamar pradstaviŭsia hrodziencu žycharom Ukrainy i vyvieŭ jaho na razmovy pra vajnu. Surazmoŭca pravakatara raskazaŭ, što padtrymlivaje Połk Kalinoŭskaha, u tym liku materyjalna. U kancy razmovy Komar nadzieŭ furažku NKVD i prapanavaŭ pieradać pryvitańnie jabaćkam.
U videa siłavikoŭ paśla zatrymańnia hrodzieniec havoryć, što nidzie nie pracuje. Jaho prymusili «paprasić prabačeńnia va ŭsiaho biełaruskaha naroda». Taksama hrodzieniec skazaŭ, što nasamreč nibyta nie pieravodziŭ hrošy pałku Kalinoŭskaha.
U jakim statusie ciapier znachodzicca zatrymany, nie paviedamlajecca.
Čytajcie taksama:
Siłaviki zatrymali 36-hadovaha minčuka za vykazvańni ŭ čat-ruletcy pravakatara Komara
Paśla razmovy z pravakataram u čat-ruletcy za słovy padtrymki Ukrainie zatrymali rasijanina
