Turki chočuć pabudavać 16-paviarchovy hatel z kazino ŭ centry Minska

Inviestary z uschodu pryhledzieli jašče adzin učastak u samym centry Minska.

Mahčyma, u najbližejšy čas na skryžavańni vuł. Vaładarskaha i Haradskoha Vała pačniecca budaŭnictva 16-paviarchovaha hatela.

Prajekt kompleksu ARAS PALACE ŭžo raspracavali biełaruskija architektary. Jaho eskizy źjavilisia na sajcie pradpryjemstva «Tvorčaja majsternia-7».

Haścinica budzie raźmieščana na ŭčastku, abmiežavanaj terytoryjaj dziciačaha reabilitacyjnaha centra, žyłymi budynkami i skvieram, dzie ŭstalavany pomnik Adamu Mickieviču.

Jak skazana ŭ apisańni prajekta, kompleks budzie 16-paviarchovym. Dva padziemnyja pavierchi adviedzienyja pad haraž-stajanku na 78 mašynamiescaŭ. Na pieršym paviersie raźmieściacca viestybiul, kafe-bar i SPA-centr. Druhi pavierch zojmie kazino, na trecim, akramia haściničnych numaroŭ, raźmieścicca restaran. 4–14 pavierchi addadzieny pad numary, na 15-m zaprajektavanyja šmatfunkcyjanalnyja zały, a na 16-m — načny kłub.

Inviestaram vystupaje tureckaja kampanija, zarehistravanaja ŭ kancy minułaha hoda jak zamiežnaje tavarystva z abmiežavanaj adkaznaściu «ARAS Inviest».

Što tyčycca terminaŭ realizacyi prajektu, to pakul jany dakładna nie vyznačany. Jak rastłumačyli nam architektary, jašče iduć pieramovy pamiž inviestaram i Minharvykankamam.

Onliner.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH