Na «Słavianskim bazary» — Lena Meyer, «Trojca», J:mors
Z 9 pa 15 lipienia ŭ Viciebsku projdzie XIX mižnarodny fiestyval mastactvaŭ «Słavianski bazar».
Z 9 pa 15 lipienia ŭ Viciebsku projdzie XIX mižnarodny fiestyval mastactvaŭ «Słavianski bazar».
Ale pieršyja kancerty pačnucca ŭžo 7 lipienia.
Na sioletni fiestyval zaprošana pieramožca «Jeŭrabačańnia-2010» niemka Lena Meyer.
Pra heta paviedamiŭ režysior kancerta adkryćcia «Słavianskaha bazaru» Hleb Šapo. Razam z tym, u Viciebsku asobnym kancertam vystupiać i inšyja ŭdzielniki hetaha konkursu. Jašče adnoj admietnaściu arhanizatary nazvali
vystupleńnie baleta Ały Duchavaj «Todes» pad aranžyroŭki «Kupalinki» i «Kryžačka».
Što tyčycca ŭdziełu ajčynnych vykanaŭcaŭ, to na fonie tradycyjnych pop-artystaŭ vyłučajecca «Trojca» i J:mors. Pryčym apošni hurt na scenu padymiecca trojčy: u dzień adkryćcia i zakryćcia fiestyvalu, a taksama ŭ miežach biełaruskaha dnia.
Nivodnaha solnaha kancertu biełaruskich artystaŭ nie budzie. Heta tłumačycca tym, što kvitki na papiarednija vystupleńni ajčynnych zorak nie raskupalisia i na pałovu. Razam z tym Leanid Kavaloŭ, namieśnik staršyni Viciebskaha abłvykankama, adznačyŭ, što ŭ hetym hodzie čakajecca zapaŭnialnaść usich kancertaŭ na 80-90 pracentaŭ. I miarkujecca pavieličeńnie akupalnaści ŭ paraŭnańni ź letašnimi pakazčykami, jakija skłali kala 60 pracentaŭ.
Na siońnia jašče zastałasia zapazyčanaść za letašni fiestyval. Jana składaje 400 młn. rubloŭ.
Na adkryćcio «Słavianskaha bazaru» čakajecca pryjezd Alaksandra Łukašenki. Jon uručyć premiju «Praz mastactva da miru i parazumieńnia», jakuju atrymaje Biełaruski dziaržaŭny ansambl «Pieśniary» i paśmiarotna jaho kiraŭnik Uładzimir Mulavin. Mienavita pad znakam hetaha ansambla projdzie biełaruski dzień na fiestyvali. Vystupiać hurty, blizkija pa vykanańni da lehiendarnaha kalektyvu, a taksama možna budzie pačuć pieśni «Pieśniaroŭ» u sučasnych apracoŭkach. Taksama ŭručać premiju sajuznaj dziaržavy ŭ halinie mastactva.
Padčas fiestyvalu tradycyjna projduć konkurs maładych vykanaŭcaŭ i dziciačy konkurs. Biełaruś na ich pradstaviać Dzianis Viaršenka, Zara Łarenka i Hanna Zajcava.
Na fiestyval taksama zaprošany Dzima Biłan, Tomas Anders, Mikałaj Baskaŭ, Juryj Antonaŭ, Inna Afanaśjeva, Daniel Dzihies, Jeva Ryas i inšyja.
