Akcyi EPAM abvalilisia da antyrekordnych značeńniaŭ
Akcii EPAM paśla publikacyi kvartalnaj spravazdačy kampanii abvalilisia adrazu na 27%.
Stvaralnik i ŭładalnik EPAM Arkadź Dobkin
8 maja akcyi kampanii tarhavalisia ŭ dyjapazonie 246-249 dalaraŭ. Pavodle vynikaŭ tarhoŭ 9 traŭnia cana adnoj akcyi ŭpała da 181,9 dalara, paviedamlaje dev.by.
U 2024 hodzie heta samaja nizkaja cana akcyj EPAM. Jany płaŭna tańnieli na praciahu čatyroch miesiacaŭ, adnak taki rezki abvał zdaryŭsia ŭpieršyniu ŭ hetym hodzie.
Akramia taho, biahučaja cana akcyj kampanii ź biełaruskimi karaniami — antyrekordnaja za apošnija niekalki hadoŭ. Apošni raz nižej za 190 dalaraŭ akcyi tarhavalisia ŭ sakaviku 2020 hoda.
Vierahodna, abvał koštu akcyj źviazany ź niespryjalnymi prahnozami pa vyručcy EPAM i inšymi niehatyŭnymi tendencyjami, jakija byli adlustravanyja ŭ kvartalnaj spravazdačy.
Čytajcie taksama:
U EPAM pakrysie skaračajecca vyručka i štat
Kolki padatkaŭ zapłacili ŭ biudžet Litvy firmy ź biełaruskimi karaniami
«Nie ŭsio tak błaha». Što budzie sa studentami-ajcišnikami ŭ EHU biez EPAM
EPAM raptoŭna vyjšaŭ z prahramy padrychtoŭki ajcišnikaŭ u EHU
