Minabarony Ukrainy paćvierdziła sproby Rasii prarvać liniju abarony na poŭnačy Charkaŭskaj vobłaści
Dla ŭzmacnieńnia abarony tudy nakiravali reziervy.
Paškodžany ŭ vyniku rasijskaha abstrełu budynak balnicy ŭ Charkavie. Fota: Yakiv Liashenko / AP
Kiraŭnik Charkaŭskaj abłasnoj vajennaj administracyi Aleh Siniahubaŭ, u svaju čarhu, raspavioŭ pra ŭzmacnieńnie abstrełaŭ na paŭnočnym kirunku, adnak źniapraŭdziŭ infarmacyju pra paśpiachovy «nastup» rasijskich vojskaŭ na Charkaŭ.
«Akupanty ŭzmacnili abstreły na paŭnočnym kirunku. U pieršuju čarhu praciŭnik nanosić udary pa horadzie Vałčansku», — napisaŭ ukrainski čynoŭnik u svaim telehram-kanale.
Jon paviedamiŭ, što ŭsiu noč praciahvalisia abstreły. Byli biespaśpiachovyja sproby dyviersijnych hrup prarvać miažu.
«Uzbrojenyja siły Ukrainy ŭpeŭniena trymajuć pazicyi: nie stračana nivodnaha mietra. Hrupoŭka praciŭnika nie ŭjaŭlaje pahrozy Charkavu, jaho sił chapaje tolki dla pravakacyj na paŭnočnym kirunku», — patłumačyŭ jon.
Adnak jon zaklikaŭ cyvilnaje nasielnictva pamiežnych nasielenych punktaŭ być u schoviščach i adznačyŭ, što ŭsie orhany ŭłady pracujuć, znachodziacca na miescach i vykonvajuć svaje abaviazki.
Ranicaj rasijskija vajenkary stali raspaŭsiudžvać infarmacyju ab pačatku nastupu rasijskich vojskaŭ na Charkaŭ z terytoryi Rasii.
Čytajcie taksama:
Rasija sprabuje nastupać na Charkaŭ. Havorycca ab intensiŭnych bajach
Rasija moža nieŭzabavie pačać nastup na Vałčansk, što za 70 km ad Charkava
