Hamielčuka Paŭła sudziać za kamientary ŭ telehramie, choć jon vydaliŭ akaŭnt za try hady da zatrymańnia
Paŭła Saucina vinavaciać u «raspalvańni varožaści».
Pavieł Saucin. Fota «Kibierpartyzanaŭ», kałaž «Našaj Nivy»
Paŭłu Saucinu 32 hady. Jon lubić kampjutarnyja hulni — šmat hulaŭ u ich na voli, a taksama abmiarkoŭvaŭ ich u internecie.
U 2020-m Saucin pakinuŭ niekalki kamientaroŭ u roznych telehram-čatach, ale na pačatku 2021-ha vydaliŭ akaŭnt. Jaho adšukali tamu, što niknejm Paŭła supadaŭ ź jahonymi niknejmami ŭ inšych sacsietkach.
Historyja niknejmaŭ Paŭła i infarmacyja sa źlitych bazaŭ
Paŭła zatrymali, imavierna, 18 vieraśnia 2023 hoda. Heta adbyłosia a 7-j hadzinie ranicy pry ŭdziele piaci supracoŭnikaŭ milicyi. U videa Paŭła zmusili stać na kaleni na bieł-čyrvona-bieły ściah i vybačycca pierad «usimi supracoŭnikami milicyi».
Na nastupny dzień jaho asudzili na 15 sutak za dźvie padpiski ŭ instahramie. Paśla pakinuli pad vartaj u SIZA.
Sud nad Saucinym pačniecca 21 maja ŭ Homielskim abłasnym sudzie. Jaho abvinavačvajuć pa č. 1 art. 130 KK RB — «raspalvańnie varožaści abo varažniečy». Chłopcu pahražaje da piaci hadoŭ kałonii, ale moža abyścisia i chimijaj.
«Naša Niva» — bastyjon biełaruščyny
PADTRYMAĆČytajcie taksama:
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
