Kali Biełaruś ustupić u vajnu z Ukrainaj, vojski NATO naŭprost umiašajucca ŭ kanflikt — La Repubblica
U NATO nieaficyjna ahučyli dźvie čyrvonyja linii.
Ilustracyjnaje fota: AP
Pradstaŭniki NATO ŭ nieaficyjnaj formie i kanfidencyjna ahučyli dźvie čyrvonyja linii, jakija adździalajuć aljans ad pramoha ŭmiašańnia ŭ vajnu va Ukrainie.
Adna z čyrvonych linij źviazanaja ź Biełaruśsiu, piša Rzeczpospolita sa spasyłkaj na La Repubblica.
Krynicy vydańnia adznačajuć, što miaža z Rasijaj zanadta doŭhaja, i ŭkrainskija vojski ŭžo nie mohuć jaje ŭ poŭnaj miery kantralavać. Z-za hetaha ŭźnikaje pahroza praryvu rasijskaha vojska ŭ kalidor pamiž Biełaruśsiu i Ukrainaj z metaj novaha nastupu na Kijeŭ.
U hetym vypadku Minsk budzie naŭprost uciahnuty ŭ kanflikt, pakolki vajskovyja bazy na terytoryi Biełarusi buduć žyćciova važnyja dla rasiejskaha vojska. Takoje raźvićcio padziej moža stać pryčynaj dla ŭmiašańnia vojskaŭ NATA ŭ kanflikt.
Druhaja čyrvonaja linija źviazanaja z rasijskaj vajskovaj pravakacyjaj suprać krain Bałtyi ci Polščy, a taksama mahčymaj niepasrednaj ahresii suprać Małdovy. U NATO miarkujuć, što Rasieja moža stvaryć napružanaść u adnoj z krain dla pravierki reahavańnia aljansu. I NATO nie źbirajecca mirycca z takimi pravakacyjami.
Krynicy La Repubblica nazyvajuć anałahičnyja scenary hipatetyčnymi, ale pry hetym realnymi. Tamu NATO sistematyčna ŭzmacniaje svaju prysutnaść u krainach uschodniaha fłanhu.
Čytajcie taksama:
Piaskoŭ: Padstaŭ dla pieramovaŭ z Ukrainaj niama
U Biełym domie zajavili, što dapamoha ZŠA dazvolić Ukrainie pačać novy kontrnastup u 2025 hodzie
Ukraina płanuje pačać kontrnastup u 2025 hodzie, kali «pratrymajecca» ŭ 2024 hodzie
Zialenski nazvaŭ prymityŭnymi idei Trampa ab zdačy terytoryj u abmien na spynieńnie vajny
Stali viadomyja padrabiaznaści pra zahinułaha śvietłahorca, jaki vajavaŭ u PVK «Vahnier»
