Stanisłaŭ Sałaviej pryznačany namieśnikam pradstaŭnicy pa sacyjalnaj palitycy Abjadnanaha pierachodnaha kabinieta
U pradstaŭnictvie Volhi Harbunovaj jon budzie adkazvać za pytańni ŭ śfiery achovy zdaroŭja. Asnoŭnaja zadača, jakaja pierad im staić, — raspracoŭka prajekta reform sistemy achovy zdaroŭja pierachodnaha pieryjadu.
Taksama Stanisłaŭ Sałaviej budzie zajmacca advakacyjaj pravoŭ biełaruskich miedykaŭ u zamiežžy, paviedamlaje APK.
Stanisłaŭ Sałaviej — doktar, prafsajuzny lidar, hramadzianski aktyvist u śfiery achovy zdaroŭja.
U 2013 hodzie skončyŭ BDMU pa śpiecyjalnaści «Lačebnaja sprava». Z 2013 pa 2016 hod prachodziŭ internaturu i pracavaŭ akušeram-hiniekołaham u RNPC «Maci i dzicia».
Z 2016 pa 2021 hod — urač akušer-hiniekołah, doktar ultrahukavoj dyjahnostyki ŭ 3-jaj Haradskoj kliničnaj balnicy. Z 2021 pa 2024 pracavaŭ akušeram-hiniekołaham va Ukrainie.
Z 2021 hoda — prafsajuzny aktyvist i staršynia halinovaj prafsajuznaj arhanizacyi miedykaŭ «Panaceja».
Udzielnik mirnych pratestaŭ 2020-2021 hh. Dvojčy zatrymlivaŭsia pa administracyjnym artykule 23.34, zvolnieny pa palityčnych matyvach.
Vałancior va ŭkrainskich inicyjatyvach biełaruskaj dyjaspary. Člen Kaardynacyjnaj rady 2-ha sklikańnia.
Daśledčyk sistemy biełaruskaj achovy zdaroŭja. Hołas i ŭdzielnik daśledčaha filma pra realii biełaruskaj miedycyny «HUpoZ». Zajmaŭsia navukovaj pracaj, u 2019 hodzie atrymaŭ premiju za navukovyja dasiahnieńni.
Čytajcie taksama:
«Paliklinika čakała novaha traŭmatołaha, a toj źnik». Kolki miedykaŭ źjechała ź Biełarusi?
«Kamiera ŭ Navapołacku mienš kamfortnaja za pryloty rakiet». Jak ciapier žyvuć biełarusy va Ukrainie
