U Kijevie pačali evakuacyju dźviuch balnic z-za vykazvańnia Cierciela
Ułady Kijeva terminova pačynajuć evakuacyju dźviuch balnic, adna ź jakich dziciačaja, što raźmiaščajucca na vulicy Bahatyrskaj u Abałonskim rajonie ŭkrainskaj stalicy. Heta źviazana z tym, što «ŭ internet-miedyja masava raspaŭsiudžvajecca videa, dzie faktyčna anansavany ŭdar voraha pa hetych miedycynskich ustanovach. I što, nibyta, u hetych balnicach znachodziacca vajskoŭcy», piša «VVS Ukraina».
Ivan Cierciel
«Heta absalutnaja chłuśnia i pravakacyja voraha, jakuju jon sprabuje vykarystać dla ŭdaru pa sacyjalnaj infrastruktury stalicy», — havorycca ŭ zajavie Kijeŭskaj administracyi.
Kab zaścierahčy chvorych dziaciej, ich baćkoŭ i miedycynski piersanał, ułady stalicy zaraz robiać usio mahčymaje, kab pieravieźci pacyjentaŭ i miedykaŭ u inšyja miedustanovy Kijeva.
«Horad źviarnuŭsia da SBU, Ministerstva achovy zdaroŭja pa dapamohu i prainfarmavaŭ adnosna zachadaŭ, jakija prymaje dla zachavańnia žyćcia i zdaroŭja pacyjentaŭ i piersanału balnic», — havorycca ŭ ekstrannaj zajavie.
Jak daviedałasia «VVS Ukraina», hetyja dziejańni ŭładaŭ Kijeva źviazanyja z uskosnymi pahrozami ŭdaru pa kijeŭskich balnicach kiraŭnika KDB Biełarusi Ivana Cierciela.
Hetaja zajava prahučała na pasiadžeńni Usiebiełaruskaha narodnaha schodu. Tam Cierciel abiacaŭ supraćdziejničać mifičnym terarystam z Ukrainy, i ŭ chodzie hetaha prahučała pahroza ŭ dačynieńni da balnic Kijeva.
«Usie hetyja ludzi i ich płany nam viadomyja. U baraćbie z teraryzmam dziejničajem pa zakonach vajennaha času. Siarod terarystaŭ jość zabityja i paranienyja, ich napatkaje pakarańnie, niahledziačy na toje, što svaim łohavam jany abrali kijeŭskija balnicy pa adrasie Bahatyrskaja 30, 32, dzie schavalisia za śpiny chvorych dziaciej», — zajaviŭ staršynia KDB Biełarusi.
Čytajcie taksama:
Cierciel zajaviŭ, što KDB praduchiliŭ udary litoŭskich bieśpiłotnikaŭ pa Minsku
«Kibierpartyzany» adkazali Ciercielu: My nikoli nie płanavali ataku na BiełAES
Cierciel: Padletki vyrabili vybuchoŭku i chacieli padarvać Baranavicki RAUS
dyk što - nie śpiecapieracyja ŭžo?