Śpiecsłužby Polščy vyjavili prasłuchoŭku ŭ zale, dzie pavinna adbycca pasiadžeńnie ŭrada
Polskija śpiecsłužby vyjavili i demantavali pryłady, jakija mahli vykarystoŭvacca dla prasłuchoŭvańnia, u zale, dzie siońnia pavinna adbycca vyjaznoje pasiadžeńnie ŭrada. Pra heta paviedamiŭ pradstaŭnik ministra-kaardynatara śpiecyjalnych słužbaŭ Jacek Dabžyński, piša Reform.news.
Premjer Donald Tusk i inšyja čalcy ŭrada na šlachu ŭ Katavicy 7 traŭnia 2024 hoda. Fota: kancylaryja premjer-ministra Polščy
«Słužba Dziaržaŭnaj achovy ŭ supracoŭnictvie z ahienctvam unutranaj biaśpieki vyjaviła i demantavała pryłady, jakija mahli być vykarystany dla padsłuchoŭvańnia ŭ zale, dzie siońnia projdzie pasiadžeńnie Kabmina ŭ Katavicach. Słužby pravodziać dalejšyja mierapryjemstvy ŭ hetym pytańni», — zajaviŭ jon.
Siońnia ŭ Katavicach pavinna adbycca vyjaznoje pasiadžeńnie polskaha ŭrada pad kiraŭnictvam premjer-ministra Donalda Tuska.
