Jak zrabić kisłyja mandaryny sałodkimi — łajfchak
Kali vy pamylilisia z vybaram mandarynaŭ i kupili kisłyja, nie śpiašajciesia narakać na los. Jość prosty sposab vypravić situacyju (biez cukru).
Vybar sałodkich mandarynaŭ nie lohkaja zadača. Na rynku ich možna pakaštavać, a voś u supiermarkiecie nichto takoje nie prapanuje. Kali vy nie zmahli pravilna vybrać mandaryny, i na vyhlad pryhožyja i apietytnyja płady na smak akazalisia kisłymi, vypravić stanovišča dapamoža pravierany sposab. I cukar tut ni pry čym.
Kisłyja mandaryny stanuć našmat smačniejšyja, kali ich pakłaści ŭ vadu tempieraturaj kala 40 hradusaŭ na 10 chvilin. Paśla hetaha vadu treba zamianić na chałodnuju.
Kupańnie pry źmiennaj tempieratury dazvolić inaktyvizavać limonnuju kisłatu, jakaja nazapasiłasia ŭ mandarynach. U vyniku apracavanaja takim čynam sadavina stanie bolš sałodkaj.
Jość jašče adzin sposab zrabić mandaryny sałodkimi. Dla hetaha treba papiarednie pamytyja i absušanyja mandaryny źmiaścić u mikrachvaloŭku na 30 siekund pry maksimalnaj mahutnaści. Taksama nie zabudźciesia zrabić na łupinie kožnaha pa niekalki nadrezaŭ.
Šmat mandarynaŭ u mikrachvaloŭku źmiaščać nie treba, dastatkova troch. Paśla takoj apracoŭki dajcie pładam astyć i možacie adčuć roźnicu na smak.
Čytajcie jašče:
Jak adroźnić sałodkija mandaryny ad kisłych?
Samy navahodni «vitamin». Usio, što vy nie viedali pra mandaryny
Chočacie lohka i tanna pačyścić mikrachvaloŭku? Voś niekalki sposabaŭ
