World Aquatics zaćvierdziła kryteryi ŭdziełu biełaruskich i rasijskich płyŭcoŭ u mižnarodnych turnirach
Akramia adsutnaści ściaha i himna, uviedzieny dadatkovy kryter, što na adnoj dystancyi moža vystupić tolki adzin spartsmien z Rasii i Biełarusi.
Fota: BiełTA
World Aquatics zaćvierdziła kryteryi ŭdziełu rasijskich spartsmienaŭ u mižnarodnych spabornictvach u niejtralnym statusie, paviedamlaje Championat.com.
Vystupać zmohuć tolki indyvidualnyja niejtralnyja spartsmieny, jakija nie padtrymlivajuć praviadzieńnie vajny va Ukrainie i vykonvajuć antydopinhavyja praviły.
Udzieł indyvidualnych spartsmienaŭ u kamandnych startach kryterami nie dapuskajecca.
Akramia adsutnaści ściaha i himna, uviedzieny dadatkovy kryter, što na adnoj dystancyi moža vystupić tolki adzin spartsmien z Rasii i Biełarusi.
Kryteryi byli raspracavanyja śpiecyjalnaj rabočaj hrupaj, stvoranaj jašče 5 krasavika 2023 hoda, u vyniku praviadzieńnia apytańniaŭ siarod najlepšych spartsmienaŭ roznych uzrostaŭ. Kryteryi padtrymali 67% apytanych.
Nahadajem, u World Aquatics, akramia płavańnia, taksama ŭvachodziać skački ŭ vadu, vodnaje poła i sinchronnaje płavańnie.
Čytajcie taksama:
Prezident MAK vystupiŭ za dopusk biełarusaŭ i rasijan na Alimpijadu
Rašeńnie ab udziele biełarusaŭ u Alimpijadzie-2024 nie budzie pryniata vosieńniu — MAK
