Polšča budzie damahacca ŭklučeńnia Biełarusi ŭ 12-y pakiet sankcyj Jeŭrasajuza
Polskija ŭłady ŭžo pačali pracavać nad 12-m pakietam sankcyj u dačynieńni da Rasii. U jaho chočuć uklučyć i Biełaruś. Pra heta paviedamiŭ Polskamu pres-ahienctvu namieśnik ministra zamiežnych spraŭ krainy Piotr Vaŭžyk.
Vyjava: vecteezy
Pavodle Vaŭžyka, u novy pakiet sankcyj chočuć uklučyć Biełaruś, jakaja choć i nie biare niepasrednaha ŭdziełu ŭ vajnie Rasii suprać Ukrainy, ale daje svaju terytoryju dla navučańnia rasijskich vajskoŭcaŭ, a taksama dla naniasieńnia avijaŭdaraŭ.
«My nie možam mirycca z takoj situacyjaj, tym bolš što režym u Minsku robić bolš surovaj unutranuju palityku ŭ dačynieńni da ŭłasnych hramadzian. Roźnica pamiž Biełaruśsiu i Rasijaj pastupova ścirajecca, tamu hetyja krainy pavinny być achoplenyja adnolkavymi sankcyjami», — zajaviŭ namieśnik kiraŭnika MZS Polščy.
Čynoŭnik padkreśliŭ, što kali budzie składzieny i pryniaty 12-y pakiet sankcyj, prahnazavać jon nie biarecca. Ale «my musim imknucca da taho, kab jon byŭ jak maha bolš šyroki».
Čytajcie taksama:
U 11-y pakiet sankcyj Jeŭrasajuza ŭklučyli dvuch čynoŭnikaŭ ź Biełarusi
Jeŭrasajuz zaćvierdziŭ novy pakiet sankcyj suprać Rasii
«Abaviazak mižnarodnaj supolnaści — całkam izalavać režym u Biełarusi» — Hitanas Naŭsieda
