U Maskvie skončyŭ žyćcio samahubstvam adzin sa stvaralnikaŭ savieckaj termajadziernaj bomby
Adzin sa stvaralnikaŭ savieckaj termajadziernaj bomby RDS-37 Ryhor Klinišaŭ byŭ znojdzieny miortvym u kvatery ŭ centry rasijskaj stalicy, paviedamiła TASS sa spasyłkaj na ekstrannyja słužby.
Pavodle infarmacyi słužbaŭ, 92-hadovaha Ryhora Klinišava znajšli svajaki. Pobač ź ciełam była raźvitalnaja zapiska, tamu jość padstavy mierkavać, što inžynier-fizik pakončyŭ z saboj.
«Jon pakinuŭ pieradśmiarotnuju zapisku, jakaja była pobač ź ciełam. U joj mužčyna raźvitaŭsia z rodnymi», — skazaŭ surazmoviec ahienctva.
Viadoma, što kandydat fizika-matematyčnych navuk Ryhor Klinišaŭ naradziŭsia ŭ 1930 hodzie. U 1962 jon staŭ łaŭreatam Leninskaj premii. Braŭ udzieł u stvareńni pieršaj savieckaj dvuchstupiennaj termajadziernaj bomby RDS-37, a taksama raspracavaŭ niekalki typaŭ termajadziernych zaradaŭ bombaŭ nastupnych pakaleńniaŭ.
Razburalnaja siła termajadziernaj bomby zasnavanaja na vykarystańni enierhii reakcyi jadziernaha sintezu lohkich elemientaŭ u bolš ciažkija. Vyprabavańni takoj zbroi, udzieł u raspracoŭcy jakoj braŭ Klinišaŭ, prachodzili na Siamipałacinskim palihonie ŭ Kazachstanie 22 listapada 1955 hoda.
Čytajcie taksama:
Fiziki tłumačać, što budzie dalej paśla praryvu ŭ termajadziernym sintezie
Technałohii mahnitnaha pola nablizili pryručeńnie termajadziernaj enierhii