Aŭtamabil prarvaŭsia praz bramu Vatykana. Žandary vymušanyja byli stralać
U čaćvier viečaram vatykanskija žandary byli vymušanyja stralać pa kołach aŭtamabila, jaki prarvaŭsia praz bramu Vatykana. Čałaviek byŭ psichična nieŭraŭnažavany.
Skrynšot videa AP
Aŭtamabil, za rulom jakoha znachodziŭsia čałaviek ź vidavočnymi psichičnymi prablemami, u čaćvier viečaram prarvaŭsia praz varoty Vatykana i pramčaŭsia mima hvardziejcaŭ va ŭnutrany dvor, pierš čym kiroŭcu zatrymała palicyja, piša AP.
Vatykanskija žandary strelili ŭ piarednija koły aŭtamabila, ale jamu ŭdałosia praciahnuć svoj šlach.
Jak tolki aŭtamabil zajechaŭ u dvor Apostalskaha pałaca, kiroŭca spyniŭsia, vyjšaŭ z aŭto i byŭ nieadkładna aryštavany žandarami.
U Vatykanie zajavili, što kiroŭcu kala 40 hadoŭ i jon znachodziŭsia ŭ «surjoznym stanie psichafizičnych źmien». Jon utrymlivajecca ŭ kazarmach Vatykana.
Nieviadoma, ci byŭ Papa Francišak u pałacy padčas incydentu, jaki adbyŭsia paśla 20:00 kala bramy Santa-Anna, adnaho z hałoŭnych ujezdaŭ u Vatykan u samym centry Ryma.
Papa? dyk zhodna