Bolš za 50 tysiač čałaviek pierajšli na vypłatu padatku na prafiesijny dachod
Bolš za 50 tysiač čałaviek pierajšli na vypłatu padatku na prafiesijny Dachod. Pra heta na pres-kanfierencyi ŭ Domie presy paviedamiŭ načalnik Hałoŭnaha ŭpraŭleńnia padatkaabkładańnia fizičnych asob Ministerstva pa padatkach i zborach Andrej Kavaleŭski, piša reform.by.
Pa słovach Kavaleŭskaha, častka z tych, chto pierajšoŭ na novy režym, raniej vypłačvali adziny padatak. Taksama jon adznačyŭ, što sioleta padatak na prafiesijny dachod abrała častka IP, čyje vidy dziejnaści dazvalajuć prymianiać novy padatkovy režym. Pry hetym jany spynili pradprymalnickuju dziejnaść.
U najbližejšy čas možna čakać rostu kolkaści płacielščykaŭ padatku na prafiesijny dachod.
«Tym ža zakonam, jaki ŭnios źmieny z 1 studzienia 2023 hoda, praduhledžanyja dadatkovyja źmieny, jakija ŭstupajuć u siłu z 1 lipienia 2023 hoda. Jany zakranajuć užo niepasredna ramieśnikaŭ i fizičnych asob, jakija ažyćciaŭlajuć dziejnaść u śfiery ahraekaturyzmu. Samaje hałoŭnaje, što z 1 lipienia padatak na prafiesijny dachod dla hetych dźviuch katehoryj płacielščykaŭ stanovicca abaviazkovym režymam dla prymianieńnia. Tamu z 1 lipienia płacielščyki, jakija ažyćciaŭlajuć ramiesnuju dziejnaść i dziejnaść u śfiery ahraekaturyzmu, pavinny zarehistravacca i ažyćciaŭlać dziejnaść z vypłataj padatku na prafiesijny dachod», — dadaŭ Kavaleŭski.
Pavodle jaho słoŭ, prava vypłačvać, jak i raniej, zbor za ramiesnuju i ažyćciaŭleńnie ahraekturystyčnaj dziejnaści moža być pradastaŭlenaje tolki pa rašeńni miascovaha vykanaŭčaha i rasparadčaha orhana.
Kavaleŭski dadaŭ, što za pieršy kvartał užo kala 2 tysiač ramieśnikaŭ pierajšli na padatak na prafiesijny dachod.
Čytajcie taksama:
Žyćcio pradprymalnikaŭ znoŭ chočuć «palepšyć». Što daść novy zakonaprajekt?
Padatkovaja patłumačyła, jakim čynam ciapier raźličvajecca ziamielny padatak
