Rasijski humaryst Uładzimir Vinakur raskazaŭ pra svaje biełaruskija karani
Hościem prahramy «Novaja ranica» na «RTR-Biełaruś» staŭ narodny artyst Rasii Uładzimir Vinakur. Jon adrazu ž nahadaŭ, što ŭ Biełarusi naradziŭsia jaho baćka, i tamu pryjazdžać u hetuju krainu jamu asabliva pryjemna, piša belarus.kp.ru.
Uładzimir Vinakur. Fota: Barys Kudravaŭ
— Kali žyvyja byli baćki, ja ich pryvoziŭ. Na hastroli jeździŭ siudy, śpiecyjalna davaŭ kancert u Kalinkavičach — tam naradziŭsia baćka, — pryznaŭsia Uładzimir Vinakur.
Cikava, što ciapier źjaviŭsia stendapier Arciom Vinakur, jaki zapeŭnivaje, što jon — daloki svajak.
— Moža. Tamu što ŭ jaho taksama karani biełaruskija. Usio mahčyma. Vinakur — takoje proźvišča, nie prosta vydumanaje. Jak raniej kazali: niama takoj prafiesii, jakuju b jaŭrej nie zrabiŭ proźviščam. Kažuć, što ŭ majho prapradziaduli byŭ maleńki brovarny zavodzik (vinakurnia), haspadarka takaja. Pamiataju, kali baćka pryjechaŭ na adpačynak u Kisłavodsk. Jaho paviali ŭ vinnyja sklapy, kažuć: paznajomciesia, z Kurska pryjechaŭ inžynier, Vinakur. I jon padumaŭ, što heta proźvišča, — raspavioŭ humaryst.
U Biełarusi ŭ Teatra parodyj Uładzimira Vinakura čatyry kancerty, pryčym adzin ź ich u Baranavičach. Źbirajecca viarnucca teatr u Biełaruś jašče i vosieńniu.
Uładzimir Vinakur, darečy, padtrymlivaje rasijski napad na Ukrainu.
Čytać taksama:
Chto byŭ pratatypam cynika Kutorhi z «Pinskaj šlachty»? Mahčyma, etałonny zachodnierus
Śpiavak Illa Silčukoŭ, zvolnieny ź minskaha Opiernaha za ŭdzieł u pratestach, debiutuje ŭ La Scala
«Was suchst du, Wolf?» Raman Jevy Viežnaviec zachoplena prezientavali na Lejpcyhskim knižnym kirmašy