Znajści
Ałharytmičny łacinski varyjant
19.05.2024 / 20:083RusŁacBieł

Pratasievič i Miejreliš źniali kłasny, ale niestandartny sieryjał pra tajamničaje źniknieńnie ŭ Halivudzie

U piatnicu vyjšaŭ vośmy, apošni, epizod mini-sieryjała «Šuhar» ad Apple TV z Kolinam Farełam u hałoŭnaj roli. Irłandski akcior hraje charyzmatyčnaha pryvatnaha detektyva, jaki šukaje ŭnučku znakamitaha kinarežysiora. 

Raskazvajem, čamu varta hladzieć hety sieryjał, jaki viartaje da najlepšych tradycyj kryminalnaha ramana.

Kadr ź filma. Fota: Apple TV

Padziei ŭ sieryjale adbyvajucca ŭ našy dni ŭ Kalifornii, mahčyma, heta 2023 hod, bo pra epidemiju kavidu razvažajuć u minułym.

Džon Šuhar — pryvatny detektyŭ, jaki śpiecyjalizujecca na pošuku źnikłych ludziej. Pačynajecca z taho, što jon znachodzić źnikłaha syna bosa takijskaj jakudzy. 

Šuhar atrymlivaje vialikija hrošy za svaju pracu. Jon jeździć na stylnym Chevrolet Corvett (pryvitańnie Džejmsu Bondu ź jaho Aston Martin) i žyvie ŭ prestyžnym hateli. Pryčym zdymaje nie apartamienty, a cełaje bunhała. 

Da jaho źviartajecca znakamity halivudski kinapradziusar, prosiačy znajści svaju ŭnučku Aliviju. Raniej dziaŭčyna mieła vialikija prablemy z narkotykami, ale stała na šlach vypraŭleńnia. Praŭda, nichto ź siamji nie vieryć u źniknieńnie dziaŭčyny, usie zaniatyja svaimi prablemami.

Adnak dzied ličyć, što zdaryłasia niešta surjoznaje, Šuhar padzialaje hetyja dumki. Na bok detektyva stanovicca mačycha Alivii — byłaja rok-śpiavačka Miełani. Darečy, vydatnaja rola Emi Rajan (jana bliskuča syhrała fahatystku Džen u pieršym siezonie inšaha sieryjała — «Zabojstvy ŭ adnym budynku»).

Razynku dadajuć jakaści hałoŭnaha hieroja. Jon palihłot, svabodna havoryć na japonskaj, arabskaj i ispanskaj, mahčyma, raniej byŭ vajennym pierakładčykam.

Šuhar vielmi spahadlivy, moža prosta tak dać na vulicach Łos-Andželesa biazdomnamu narkamanu 200 dalaraŭ, kab pavartavaŭ jaho aŭto, abo pierakanać pamirycca ź siastroj i paabiacać apłacić pieralot da Miłuoki (centr ZŠA, niepadalok ad miažy z Kanadaj). Taksama Šuhar lubić sabak i maje da ich asablivy padychod.

Kadr ź sieryjała. Fota: Apple TV

Jon nie śpić z pjanymi žančynami i ŭmieje złavić muchu pałačkami dla ježy. Ale hałoŭnaje — Džon vialiki fanat kino i mienavita filmaŭ hetaha režysiora, tamu z radaściu pahadžajecca na prapanovu.

Režysioram sieryjała vystupiŭ brazilec Fiernandu Miejreliš («Horad Boha», «Dva Papy»), a scenarystam źjaŭlajecca viadomy amierykanski kinadramaturh Mark Pratasievič. Jon byŭ aŭtaram psichałahičnaha trylera «Kletka» z Dženifier Łopies, scenarystam «Ja — lehienda», a taksama amierykanskaha remiejka karejskaha «Ołdboja». A ŭ «Šuhary» Pratasievič vystupiŭ sapraŭdnym stvaralnikam filma.

Mark Pratasievič naradziŭsia ŭ Čykaha ŭ 1961 hodzie. Fota ź jaho fejsbuku

Film pastajanna pierabivajecca adsyłkami da filmaŭ «Załatoha vieku Halivudu», demanstrujucca kadry lubimych stužak hieroja Kolina Fareła, taksama Pratasievič zrabiŭ niekalki kadraŭ, dzie pakazaŭ vydumanyja filmy, stylizavaŭšy ich pad filmy 1940-1950-ch, i ty nie adhadaješ, dzie sapraŭdny halivudski film siaredziny XX stahodździa, a dzie vydumany. Atrymlivajeccca taki film u filmie.

Sam Džon nahadvaje Filipa Marłoŭ — hałoŭnaha hieroja tvoraŭ zasnavalnika «krutoha detektyva» Rejmanda Čandlera. Toj taksama mieŭ empatyju i sientymientalnaść dy mnoha razvažaŭ nad saboj.

Kadr ź sieryjała. Fota: Apple TV

Jość u Šuhary i rysy, jakija prymušajuć zadumacca. Jon dziŭna reahuje na Miesiac (nie, jon nie vaŭkałak!), i ŭ jaho čas ad času ŭźnikaje tremar u rukach.

U siomaj sieryi siužet zrobić niečakany pavarot, ad jakoha vy budziecie spačatku šakavanyja, ale potym, vidać, pahodziciesia: nu sapraŭdy, a inakš i być nie mahło. 

Škada adno — karotkija sieryi, usiaho pa 35 chvilin.

«Naša Niva» — bastyjon biełaruščyny

PADTRYMAĆ

Čytajcie taksama:

«Rypli»: tonki i hustoŭny detektyŭ u styli nuar, ale nie dla ŭsich

10 novych sieryjałaŭ, jakija vyjšli viasnoj

Kniha ŭnuka vychadcaŭ ź Biełarusi zajmaje piataje miesca ŭ top-100 najlepšych detektyvaŭ śvietu

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
8
Панылы сорам
0
Ха-ха
3
Ого
1
Сумна
1
Абуральна
2
2
Kiek/adkazać/
19.05.2024
Protasievič zdorovoho čiełovieka.
0
Hamułka/adkazać/
19.05.2024
[Red. vydalena]
1
Bajdien/adkazać/
20.05.2024
NN nie nado tak žiostko, čuť infarkt nie chvatił .
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930