«Hazpram transhaz Biełaruś» taksama paviedamiŭ pra machlaroŭ, jakija vystupajuć ad jaho imia
AAT «Hazpram transhaz Biełaruś» papiaredžvaje pra ašukancaŭ, jakija prapanujuć ad imia pradpryjemstva prajści «aficyjny» test, kab pačać inviestavać i zarablać hrošy ad prodažu pryrodnych resursaŭ. Dla rehistracyi nieabchodna nazvać imia, proźvišča i numar telefona.
Pryčym dla ŭzmacnieńnia ŭździejańnia vykarystoŭvajecca videarolik, dzie niejkija ludzi demanstrujuć rasijskija rubli i raspaviadajuć pra lohkija dachody.
Padobnaja «rekłama» ź viadomymi nacyjanalnymi brendami pieryjadyčna raźmiaščajecca ŭ vyhladzie spasyłak na padroblenyja sajty navin u pošukavikach, na videapłatformach i ŭ sacyjalnych sietkach, prychodzić na elektronnuju poštu, u miesiendžar i ŭ vyhladzie zvankoŭ «apierataraŭ».
AAT «Hazpram transhaz Biełaruś» padkreślivaje, što nie maje nijakaha dačynieńnia da «inviestycyjnych płatformaŭ», aktualnaja infarmacyja ab dziejnaści kampanij hrupy «Hazpram» raspaŭsiudžvajecca tolki praz aficyjnyja kanały.
Čytać taksama:
Biełarusbank papiaredziŭ, što ad jaho imia dziejničajuć machlary