Aksilija Mnanhahva ŭ Minsku havaryła słovami Natalli Kačanavaj
Žonka zimbabvijskaha lidara Aksilija Mnanhahva siońnia praciahnuła svaje vizity pa miedycynskich ustanovach Biełarusi. Siońnia ŭ jaje prahramie było RUP «Miedpreparaty». I miarkujučy pa cytavańniu jaje słoŭ aficyjnymi krynicami, u hetaj žančyny nastolki poŭnaje parazumieńnie ź biełaruskim aficyjozam, što rytoryku nie adroźniš navat u detalach.
Aksilija Mnanhahva ź ministram achovy zdaroŭja Dźmitryjem Pinievičam
Pra sankcyi Aksilija Mnanhahva vykazałasia, naprykład, tak, što kali b nie było padpisana, kamu hetaja cytata naležyć, to jaje možna było b ukłaści i ŭ vusny, naprykład, Natalli Kačanavaj:
«Nam treba abjadnacca, kab zmahacca z sankcyjami», — adznačyła žonka prezidenta Zimbabve. Jana ličyć, što
«ŭ sankcyjach jość i šmat dobraha, jany prymušajuć nas vychodzić z zony kamfortu i šukać rašeńni. Nie treba chavać hałavu ŭ piasok i kazać, što ŭsio drenna, apuskać ruki. Sankcyi pakazvajuć, što my možam mnohaje. Pahladzicie chacia b na toje, što jość u vas. Dziakujučy idejam i zadačam vašaha prezidenta, u vas ciapier miedycyna i farmacyja suśvietnaha ŭzroŭniu».
Čytajcie taksama:
prosta dziŭny sam fakt hetaha t.zv. vizitu - t.zv. pieršaja ledzi adna... zvyčajna ž pieršaja ledzi supravadžaje muža i sustrakajecca adpaviedna ź pieršaj ledzi prymajučaha boku... ci ja niešta nie tak razumieju?