Apaznali ŭkrainskaha sałdata z žudasnaha videa rasstrełu
Źjaviłasia aficyjnaja infarmacyja pra ŭkrainskaha vajskoŭca, jakoha rasstralali rasijskija sałdaty paśla taho, jak jon skazaŭ frazu «Słava Ukrainie».
Fota: zakarpatpost.net
U Ministerstvie abarony paćvierdzili asobu rasstralanaha bajca. Heta Cimafiej Mikałajevič Šadura, vajskoviec 30-j asobnaj miechanizavanaj bryhady, 1982 hoda naradžeńnia. Jon prapaŭ bieź viestak 3 lutaha 2023 hoda paśla bajavych dziejańniaŭ u rajonie horada Bachmut.
Ciapier cieła vajskoŭca znachodzicca na časova akupavanaj terytoryi.
Raniej žurnalistka «Suśpilnie» i BBC News Safija Kačmar-Cimašenka napisała ŭ fejsbuku, što siastra adnaho z abaroncaŭ Ukrainy apaznała na videa svajho brata.
«Siastra kaža: «100 adsotkaŭ — heta moj brat. Heta jaho vočy, hołas i toje, jak jon kuryŭ cyharetu». Ale prosić maŭčańnia da ranicy, pakul vyjduć na suviaź pabracimy z nula i choča być u jaho maci z samaj ranicy», — dadała Kačmar-Cimašenka.
Čytajcie taksama:
Źjaviłasia videa z rasstrełam vajskoŭca, jaki kaža «Słava Ukrainie». Što pra heta viadoma?
