«Raźbiła kurynaje jajka ab asfalt». Jak minčanki na źniaćci surokaŭ zarabili 28 tysiač rubloŭ
«Pakładzicie hrošy ŭ skrutak i nie razhortvajcie niekalki dzion».
Historyju machlarstva pryvodzić SK. Pa danych śledstva, u sakaviku minułaha hoda 71-hadovaja minčanka sustreła na vulicy dźviuch žančyn.
Jany raspaviali, što adna ź ich vałodaje zvyšzdolnaściami lačeńnia ad surokaŭ, jakija jakraz nakładzienyja na piensijanierku. Dla zbavieńnia ad praklonu žančynie prapanavali pravieści tajamničy rytuał. Adna ź ich raźbiła kurynaje jajka ab asfalt. U centry žaŭtka znachodzilisia kamiani, sa słoŭ surazmoŭnicy mienavita jany i byli vinavatymi va ŭsich niahodach paciarpiełaj.
Dla «zamacavańnia» praviedzienaha abradu žančyny paprasili asabistyja źbieražeńni. Pavieryŭšy va ŭsio, što adbyvajecca, minčanka pieradała im 550 rubloŭ. Psieŭdalekarka źmiaściła hrošy ŭ skrutak haziety i addała nazad paciarpiełaj, pry hetym skazała nie razhortvać jaho niekalki dzion. Paśla žančyny raźvitalisia. Užo na nastupny dzień piensijanierka vyjaviła, što ŭ skrutku niama hrošaj i źviarnułasia ŭ pravaachoŭnyja orhany.
Žančyn znajšli — heta byli 69-hadovaja iłželekarka i jaje 60-hadovaja siabroŭka, abiedźvie — žycharki Minskaha rajona. Raniej ich užo sudzili za anałahičnyja złačynstvy. Na dopycie jany pryznalisia, što nijakimi darami nie vałodajuć i na ich rachunku jašče dźvie ašukanyja piensijanierki. Dziakujučy davierlivaści paciarpiełych, im udałosia «zarabić» bolš za 28 tysiač rubloŭ.
Žančyn abvinavacili pa č. č. 2, 3 art.209 (machlarstva, ździejśnienaje paŭtorna, hrupaj asob u bujnym pamiery) Kryminalnaha kodeksa. Psieŭdalekarku adpravili pad vartu, siabroŭka — pad asabistym paručycielstvam.