Znajści
Ałharytmičny łacinski varyjant
03.03.2023 / 12:3312RusŁacBieł

U mabilnym dadatku Śbierbanka prybrali biełaruskuju movu

Raniej u mabilnym dadatku biełaruskaja mova była, ale paśla jaho abnaŭleńnia źnikła. U Śbierbanku raskazali, čamu. 

Fota: Huhł-karta

Bank spasłaŭsia na toje, što ŭ adpaviednaści z zakanadaŭstvam interfiejs i vychadnyja dakumienty pavinny farmiravacca na adnoj ź dziaržaŭnych moŭ — biełaruskaj ci ruskaj.

«Zaraz pa rašeńni banka ŭ mabilnym dadatku možna vykarystoŭvać tolki ruskuju movu, mahčymaść vybaru inšaj movy adsutničaje.

Heta rašeńnie źjaŭlajecca pravam banka, nie parušaje dziejnaje zakanadaŭstva Respubliki Biełaruś i abumoŭlena vysokimi vydatkami na padtrymańnie dadatkovych łakalizacyj pry małoj klijenckaj bazie karystalnikaŭ biełaruskaha moŭnaha pakieta», — adkazali na elektronny zvarot u banku. 

Śbierbank — adzin z najbujniejšych bankaŭ u Biełarusi. Jon uvachodzić u skład mižnarodnaj hrupy Śbierbanka Rasii. 

U śniežni 2009 hoda ŭrad Biełarusi i Śbierbank Rasii abjavili ab padpisańni pahadnieńnia ab kupli Śbierbankam Rasii 93,27 pracenta akcyj BPS-Bank. 

Čytajcie taksama: 

Kašalok Pay spyniaje pracu ŭ Biełarusi. Jakaja alternatyva?

Ceny na haz dla Biełarusi da 2025 hoda zamacavali pahadnieńniem

Apublikavali rejtynh akcyjaniernych tavarystvaŭ, pa-za kankurencyjaj banki

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Palašuk/adkazać/
03.03.2023
Pytańnie nie stolki ŭ pazicyi rasiejskaha banka, jaki žyvie pavodle akupacyjnaha zakanadaŭstva, kolki ŭ žadańni biełarusaŭ pracavać tam ci być klijentami hetaha ci jamu padobnych bankaŭ, jakija, rabujučy narod svaimi adsotkami pa kredytach, płaciažami za absłuhoŭvańnie, nie pakidajuć navat prava vybaru movy servisu. I ci zdolnyja biełarusy na bajkot režymu i kałabarantaŭ uvohule? Jak płaciŭ narod akcyzy za cyharety i ałkahol, tak i płocić. Heta toj minimum, jaki kožny moža efiektyŭna rabić, azdaraŭlajučy siabie ŭ tym liku... chacia, ab čym heta ja, "pajdu ŭ mahaz, vaźmu pivasu", piatnica ž.
0
chch/adkazać/
03.03.2023
nu prynamsi ja (a heta było šče da 20) pierastała chadzić da bližejšaha bankamata, jak tolki prybrali tam biełaruskuju (raniej była). chadžu ŭ dalni - tam mova jość. jon darečy i pracuje lepš. a toj hlučyŭ
0
viedaju/adkazać/
04.03.2023
Palašuk, a jašče jany, paskudy, PDV na chleb, małako i inš. płociać.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera