Ministry krain Bałtyi zaklikali Niamieččynu nieadkładna pieradać Ukrainie tanki Leopard 2
Adpaviednyja paviedamleńni kiraŭniki MZS krain Bałtyi apublikavali ŭ tvitary.
Fota: AP Photo/Michael Sohn
Pieradača Ukrainie sučasnych tankaŭ, ličać ministry zamiežnych spraŭ, nieabchodna dla taho, kab spynić rasijskuju ahresiju i adnavić mir u Jeŭropie. Niamieččyna, jak viadučaja jeŭrapiejskaja dziaržava, niasie za heta asablivuju adkaznaść, padkreślivajecca ŭ zvarocie.
Šerah krain, u jakich jość tanki Leopard 2, hatovy pieradać ich Ukrainie, ale dla hetaha nieabchodny dazvoł Niamieččyny, jakaja vyrablaje takuju braniatechniku.
20 studzienia ŭdzielniki sustrečy pradstaŭnikoŭ krain-sajuźnic Ukrainy na avijabazie Ramštajn nie zmahli damovicca ab pastaŭcy Kijevu tankaŭ Leopard 2. Jak zajaviŭ kiraŭnik Minabarony FRH Borys Pistoryus, u sajuźnikaŭ pakul «niama adzinaha mierkavańnia» z nahody pastavak.
Pry hetym jon padkreśliŭ, što heta nie Niamieččyna pieraškadžaje tamu, kab pieradać Ukrainie Leopard 2.
