U Minsku adkryvajuć hruzinski restaran
19 studzienia na praśpiekcie Pieramožcaŭ, 5 u Minsku adčyniajecca novaja ŭstanova ad kamandy hruzinskaha fast-fudu @gruzin.by — restaran vysokaj hruzinskaj kuchni Gruzin bistro.
«Gruzin bistro — nie čarhovy hruzinski restaran. Gruzin bistro — heta miesca, dzie stvarajucca šedeŭry vysokaj hruzinskaj kuchni, a taksama vašy lubimyja stravy z hruzinskim akcentam», — pišuć na svajoj staroncy ŭ instahramie stvaralniki prajekta.
Kiraŭniki novaj ustanovy: David Kust, jaki razam z bratam Juryjem Kustam adkryvali ŭ 2016 hodzie pieršy hruzinski fast-fud @gruzin.by, i Anton Habiec, jaki ŭ svoj čas kuryravaŭ bary Madmen i «Pieraśmiešnik», a taksama byŭ brend-šefam Ayahuasca Social club. ⠀
U čaćvier płanujecca tolki zakrytaja dehustacyja straŭ dla minskich błohieraŭ, a dla naviedvalnikaŭ restaran rasčynić svaje dźviery krychu paźniej, u 20-ch čysłach studzienia.
Čytajcie taksama:
U Breście na miescy kultavaha hryl-bara «Karova» adkryvajecca restaran biełaruskaj kuchni «Kaza»
U Minsku adkryŭsia hatel Robinson City, jaki naležyć Tapuzidzisu
«Zamiest OK16 adkryjuć tanny supiermarkiet». Što stała z kultavymi tusovačnymi miescami Minska
