Rasijskija rakiety padčas ataki na Ukrainu pralacieli nad Homielskaj vobłaściu
U noč z 26 krasavika na 27 krasavika niekalki rasijskich rakiet prajšli praz pavietranuju prastoru Biełarusi, piša «Fłahštok».
Rakieta «Kinžał» na Mih-31. Ilustracyjnaje fota
Kanał Monitor apublikavaŭ infahrafiku Texty.org.ua ruchu pavietranych celaŭ nad Ukrainaj 26-27 krasavika. Schiema pakazvaje, što chutkasnyja celi abo rakiety «Kinžał», zapuščanyja nad terytoryjaj RF, uvajšli ŭ pavietranuju prastoru Čarnihaŭskaj vobłaści, pierasiekli terytoryju Biełarusi nad Brahinskim rajonam i praciahnuli ruch nad Kijeŭščynaj u kirunku zachadu Ukrainy.
Infahrafika rakietnaj ataki Ukrainy 26-27 krasavika 2024 hoda Texty.org.ua dla Monitor
Prybliznaja trajektoryja pralota rakiet nad terytoryjaj Biełarusi na pavialičanym frahmiencie kaśmičnaj zdymki. Schiema «Fłahštoka»
U adpaviednaści ź infahrafikaj Monitor, rakiety pieraadoleli ŭ pavietranaj prastory Biełarusi ad 19 da 24 kiłamietraŭ.
Manitorynhavy kanał «Ukrajinśkij Jenot» u publikacyi 27 krasavika prakamientavaŭ hety incydent:
«Što jašče cikavaha — častka rakiet typu Killjoy (Ch-47M2 «Kinžał») pralacieła nad terytoryjaj Biełarusi, što zrabiła niemahčymym ich svoječasovaje vyjaŭleńnie srodkami SPA i źniščeńnie».
Pradstaŭnik kanała ŭdakładniŭ hetuju infarmacyju «Fłahštoku»: danyja byli atrymany ź sistem SPA Ukrainy. Pieršy pusk byŭ pierad poŭnačču 26 krasavika, nastupnyja puski byli 27 krasavika paśla 5 hadzin ranicy.
Infarmacyi ab puskach rakiet SPA ź miescaŭ baziravańnia ŭ Homielskim, Jelskim i Mazyrskim rajonach Biełarusi 26-27 krasavika nie pastupała. Supraćpavietranaja abarona Biełarusi nie zmahła adreahavać na zjaŭleńnie rakiet nad svajoj zonaj adkaznaści abo śviadoma nie reahavała.
Raniej nad terytoryjaj Biełarusi ŭžo fiksavaŭsia «tranzitny» pralot rasijskaj pavietranaj celi. U 2023 hodzie 25 kastryčnika rasijski bieśpiłotnik skarystaŭsia pavietranaj prastoraj Biełarusi. Tady sistema SPA, raźmieščanaja ŭ Mazyrskim rajonie, dała załp pa celi, adnak parazić BPŁA nie zmahła. Bieśpiłotnik praciahnuŭ ruch u Kijeŭskaj vobłaści.
Čytajcie taksama:
Chrenin pachvaliŭ «mudruju i abačlivuju» ataku Irana na Izrail
SBU patłumačyła łukašystam, dzie hieroi, a dzie terarysty
Cierciel zajaviŭ, što KDB praduchiliŭ udary litoŭskich bieśpiłotnikaŭ pa Minsku
