Bolš za tysiaču hramadzian Tadžykistana trymajuć u maskoŭskich aeraportach — što zdaryłasia
MZS Tadžykistana zajaviła, na 27 krasavika tolki ŭ zonie časovaha ŭtrymańnia ŭ maskoŭskim aeraporcie Unukava znachodzilisia 954 hramadzianiny Tadžykistana, u tym liku studenty rasijskich univiersitetaŭ. A ŭsiaho ŭ maskoŭskich aeraportach utrymlivajuć bolš za tysiaču ich hramadzian.
Situacyja ŭ aeraporcie Unukava. Fota: The Insider
Składanaja situacyja taksama nazirajecca ŭ aeraportach Žukoŭski, Damadziedava i Šaramiećcieva, dzie ŭ zonie časovaha ŭtrymańnia ŭtrymlivajuć dziasiatki čałaviek. MZS Tadžykistana padkreślivaje, što ich Tadžykistana ŭtrymlivajuć u nienaležnych umovach.
Paśla šmathadzinnaha čakańnia na miažy ŭ Rasiju ŭsio ž patrapili 322 hramadzianiny Tadžykistana. Ale jašče 306 čałaviek, paviedamlaje MZS Tadžykistana, rasijskija ŭłady źbirajucca ŭklučyć u śpis vydvaranych.
Uviečary 27 krasavika MZS Tadžykistana terminova zaklikaŭ svaich hramadzian nie jeździć u Rasiju.
Masavyja pravierki ŭ dačynieńni da hramadzian Tadžykistana ŭ Rasii pačali pravodzić paśla teraktu ŭ «Krokus Sici Chole» (u im abvinavacili vychadcaŭ z Tadžykistana).
Čytajcie taksama:
MZS Tadžykistana zajaviła pra chłuśniu Patrušava
U maskoŭskim adździele palicyi pamior uradženiec Čačni, jakoha zatrymali paśla terakta ŭ «Krokusie»
