Prapahandysty padaryli 100-hadovamu vieteranu padušku z cytataj Łukašenki
Siońnia spoŭniłasia 100 hadoŭ z dnia naradžeńnia Jaŭhienii Kanavałavaj — frantavoj miedsiastry ŭ hady Druhoj suśvietnaj vajny. Hetuju nahodu nie mahli prapuścić łukašenkaŭskija prapahandysty, jakich siońnia ŭ jubilarki pabyvała niamierana. I siarod ichnich padarunkaŭ byli vielmi dziŭnyja.
Tak, na fota, raspaŭsiudžanych dziaržaŭnaj presaj, pobač z žančynaj zaŭvažanaja paduška z cytataj Łukašenki «Razdievajsia i rabotaj. Nikakoj čriezvyčajŝiny». Kali ŭličyć uzrost žančyny, vyhladaje taki padarunak, miakka kažučy, nie vielmi darečna.
Vidać, sami prapahandysty heta zrazumieli, bo nieŭzabavie z sajta «Minskaj praŭdy», dzie hetaje fota spačatku źjaviłasia, jaho vydalili. Ale było jano nie tolki tam, BiełTA svaich čytačoŭ taksama paśpiašałasia pra heta prainfarmavać.
Darečy, byłaja pres-sakratarka MUS, a ciapier hałoŭny ideołah Minska Volha Čamadanava pavinšavała jubilarku i pažadała joj «žyć bolš za sto hadoŭ».