A1 padoŭžyŭ akcyju ź biaspłatnym internetam u 4G dla ŭsich abanientaŭ
Niadaŭna A1 pačaŭ vykarystoŭvać častotny dyjapazon 2600 MHc na 1,5 tysiačy bazavych stancyj infrastrukturnaha apieratara beCloud. U honar hetaj padziei abanientam apieratara prapanoŭvałasia prateściravać jakaść internetu ŭ 4G-sietcy: na tydzień jon stanaviŭsia biaspłatnym. A1 padoŭžyŭ akcyju da 4 śniežnia.
«Tyja, chto jašče nie paśpieŭ aktyvavać pakiet «Skačaj uvieś internet!», mohuć zrabić heta da 4 śniežnia. Na praciahu siami sutak z momantu aktyvacyi akcyjnaha pakieta internet-trafik u ramkach dziejučaha taryfnaha płana mabilnaj suviazi ŭ sietkach 3G i 4G nie budzie ni raschodavacca, ni apłačvacca. Pry hetym internet budzie pracavać bieź jakich-niebudź abmiežavańniaŭ jak pa chutkaści, tak i pa abjomie», — havorycca ŭ paviedamleńni. Ź jaho vynikaje, što tyja abanienty, jakija raniej užo padklučali pasłuhu, zrabić heta znoŭ nie zmohuć.
Aktyvavać akcyjny pakiet treba praz dadatak «Moj A1» (u raździele «Pasłuhi» pierajści va ŭkładku «Dastupnyja»). Padklučeńnie pakieta dastupnaje ŭsim karystalnikam taryfnych płanaŭ A1 dla fizičnych asob, a taksama abanientam šerahu taryfnych płanaŭ dla jurydyčnych asob, jakija pracujuć nie praz zakrytuju karparatyŭnuju sietku.