Kiraŭnik MUS Ukrainy: U Chiersonskaj vobłaści znojdzieny cieły 63 čałaviek, zabitych rasijskimi vajskoŭcami
Ministr unutranych spraŭ Ukrainy Dzianis Manastyrski zajaviŭ, što na terytoryi Chiersonskaj vobłaści pravaachoŭnyja orhany znajšli cieły 63 čałaviek, zabitych rasijskimi vajskoŭcami.
«Ich ciapier ahladajuć śledčyja i fiksujuć kožny fakt katavańniaŭ, znachodziać śviedak, a taksama adbyvajecca ekshumacyja ciełaŭ zahinułych», — cytuje Manastyrskaha pres-słužba MUS.
Pa słovach ministra, na hety momant zaviedziena 436 kryminalnych spraŭ ab vajennych złačynstvach, jakija adbylisia na terytoryi Chiersonskaj vobłaści. Akramia hetaha, pravaachoŭnyja orhany vyjavili 11 miescaŭ pazbaŭleńnia voli, u jakich rasiejcy trymali zatrymanych — jak minimum u čatyroch ź ich užyvalisia katavańni, raspavioŭ ministr.
Manastyrski padkreśliŭ, što pošuki tolki pačalisia i, chutčej za ŭsio, budzie znojdziena jašče šmat «zaścienkaŭ i miescaŭ pachavańniaŭ».
