Znajści
Ałharytmičny łacinski varyjant
21.05.2024 / 23:563RusŁacBieł

Navukoŭcy znajšli mikrapłastyk u jaječkach mužčyn

Akramia ludziej, takija znachodki vyjaŭleny i ŭ sabak. Pryčym u ludziej utraja bolej. Čym heta niebiaśpiečna?

Jak piša vydańnie Science alert, navukoŭcy Univiersiteta Ńju-Mieksika vyvučali tkaniny jaječkaŭ, uziatyja jak u sabak, tak i ŭ ludziej, i znajšli mikrapłastyk u kožnym uzory.

Vyniki daśledavańnia apublikavanyja ŭ časopisie Toxicological Sciences. Pavodle ich, na adzin hram tkanki ŭ sabak u siarednim prypadaje 122,63 mikrahrama mikrapłastyku. A ŭ ludziej hety pakazčyk amal utraja bolšy — 329,44 mikrahrama na hram.

Daśledčaja hrupa imknułasia paraŭnać jaječki sabak i ludziej, bo pamiž našymi vidami isnuje niekalki bijałahičnych padabienstvaŭ, a taksama tamu, što našy čaćvieranohija siabry žyvuć pobač z nami ŭ adnym i tym ža asiarodździ.

«Spačatku ja sumniavaŭsia, što mikrapłastyk moža prakraścisia ŭ repraduktyŭnuju sistemu. Kali ja ŭpieršyniu atrymaŭ vyniki dla sabak, to byŭ ździŭleny. Ale jašče bolš ździviŭsia, kali atrymaŭ vyniki dla ludziej», — cytuje vydańnie słovy adnaho z udzielnikaŭ daśledavańnia.

Mikrapłastyk. Fota:Wikimedia Commons

Siarod 12 roznych vyjaŭlenych typaŭ mikrapłastyku, jak u sabak, tak i ŭ ludziej pieravažaŭ polietylen, jaki vykarystoŭvajecca pry vytvorčaści płastykavych pakietaŭ i płastykavych butelek i źjaŭlajecca asnoŭnaj krynicaj zabrudžvańnia navakolnaha asiarodździa.

Daśledčyki aścierahajucca, što najaŭnaść mikrapłastyku ŭ mužčynskaj repraduktyŭnaj sistemie moža paŭpłyvać na fiertylnaść. Kamanda nie zmahła padličyć kolkaść śpiermatazoidaŭ u čałaviečych uzorach, ale im udałosia heta zrabić z uzorami sabak.

Navukoŭcy adznačyli karelacyju bolš vysokaha ŭtrymańnia poliviniłchłarydu (PVCH) ź mienšaj kolkaściu śpiermatazoidaŭ. Pryčynaj hetaha, ličać aŭtary, źjaŭlajecca toje, što PVCH moža vydzialać šmat chimičnych rečyvaŭ, jakija pieraškadžajuć śpiermatahieniezu, i źmiaščaje chimičnyja rečyvy, jakija vyklikajuć endakrynnyja parušeńni.

Pa słovach navukoŭcaŭ, nieabchodnyja dadatkovyja daśledavańni, kab vyśvietlić, ci ŭpłyvaje mikrapłastyk na čałaviečyja śpiermatazoidy hetak ža, jak i na sabačyja.

Daśledčyki dadajuć, što nie chočuć pałochać ludziej, ale chočuć da ich danieści, što całkam paźbiehnuć upłyvu mikrapłastyku na arhanizm niemahčyma, ale zaŭsiody možna pamianiać ład žyćcia i pavodziny tak, kab źmienšyć jaho ŭździejańnie.

Čytajcie taksama:

Butylavanaja vada zabrudžanaja mikrapłastykam u kałasalnym maštabie — vučonyja

Navukoŭcy znajšli mikrapłastyk u abłokach. Heta moža nieści surjoznyja nastupstvy dla śvietu

Mikrapłastyk moža traplać u mozh i vyklikać źmieny ŭ pavodzinach — novaje daśledavańnie

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
7
Панылы сорам
11
Ха-ха
4
Ого
13
Сумна
13
Абуральна
3
0
Pad sud/adkazać/
22.05.2024
Potym ździŭlajucca, što my vymirajem
1
Žora/adkazać/
22.05.2024
A raniej pužali hłabalnym paciapleńniem, nitratami ŭ aharodninie, harmonami ŭ miasie, hrybkom u vannym pakoi, mahnitnymi palami ad razietak i pravodki... jak usio słuchać i pužacca, tre adrazu ŭ trunu kłaścisia.
1
hoblen/adkazać/
22.05.2024
Mla na samoje dorohoje pokusiłsia! (ržot)
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930