Zialenski paviedamiŭ, što atrymaŭ ad partnioraŭ sihnały pra hatoŭnaść Rasii da pieramovaŭ
Prezident Ukrainy Uładzimir Zialenski paviedamiŭ, što atrymaŭ peŭnyja sihnały ad lidaraŭ inšych krain ab žadańni Rasii pačać pieramovy. Pra heta jon raspavioŭ žurnalistam. Ukrainski prezident zajaviŭ, što lubyja pieramovy pavinny prachodzić «publična, a nie kułuarna».
President.gov.ua
«Tak, ja atrymlivaŭ tyja ci inšyja sihnały ad lidaraŭ dziaržaŭ. Zdajecca, što Pucin choča pramych pieramovaŭ… Ja takija sihnały atrymlivaŭ… Ja prapanavaŭ publičnuju formu, tamu što Rasija viadzie z Ukrainaj publičnuju vajnu»,— skazaŭ spadar Zialenski.
Pavodle jaho słoŭ, kab u suśvietnych lidaraŭ nie zastałosia nijakich pytańniaŭ pra hatoŭnaść Ukrainy da pieramovaŭ, na samicie G20 jon prapanavaŭ 10 krokaŭ dla adnaŭleńnia miru ŭ krainie.
«Ja liču, što heta formuła miru dla ŭsiaho śvietu. Tamu što kožnaja dziaržava moža znajści tam svajo miesca i być lidaram pa toj ci inšaj inicyjatyvie — u pieraadoleńni składanaściaŭ taho ci inšaha punkta z hetych dziesiaci»,— adznačyŭ Uładzimir Zialenski.
Nahadajem, što siarod prapanavanych im umoŭ dla adnaŭleńnia pieramoŭ z Rasijaj byli radyjacyjnaja i jadziernaja biaśpieka, charčovaja i enierhietyčnaja biaśpieka, vyzvaleńnie ŭsich pałonnych, adnaŭleńnie terytaryjalnaj cełasnaści Ukrainy, vyvad rasijskich vojskaŭ i spynieńnie bajavych dziejańniaŭ.
