Viber skaračaje rabotnikaŭ va ŭsich ofisach. U Minsku taksama
Kiraŭnictva Viber na minułym tydni paviedamiła supracoŭnikam pra skaračeńnie štatu. Pra heta dev.by raskazali sami supracoŭniki.
Fota: Kyky.org
Pavodle ich słoŭ, havorka viadziecca pra zvalnieńnie 8 % štatu, abo 40+ čałaviek, u roznych łakacyjach. U jakaści pryčyn nazvanyja paharšeńnie finansavych pakazčykaŭ i situacyja ŭ rehijonie.
Pad skaračeńnie nibyta trapili niepryjarytetnyja napramki raźvićcia: častku supracoŭnikaŭ pieraviali na inšyja napramki, častku zvalniajuć. Siarod apošnich jak raspracoŭščyki i teściroŭščyki, tak i mieniedžary, jak maładyja śpiecyjalisty, tak i daśviedčanyja.
Chtości z supracoŭnikaŭ padkreśliŭ, što zachady bolš słušna nazvać aptymizacyjaj, bo adsotak skaračeńnia adnosna nievialiki i ludziam prapanoŭvajuć ščodryja kampiensacyi.
Rakuten Viber — mižnarodnaja kampanija, jakaja ŭvachodzić u skład Rakuten Inc. z centrami raspracoŭki ŭ Biełarusi, Izraili, Hruzii (ofis u Tbilisi adkryli ŭ 2022-m). Usiaho 500+ supracoŭnikaŭ, ź ich u Biełarusi kala 140.
