Siłaviki zatrymali hałoŭnaha śpiecyjalista Minadukacyi, abvinavačvajuć u pieradačy źviestak ČKB
U Minsku zatrymali supracoŭnika Ministerstva adukacyi Siarhieja Navumčyka. 35-hadovy mužčyna pracuje na pasadzie hałoŭnaha śpiecyjalista. Kadry jaho zatrymańnia i videa z mužčynam źjavilisia 28 kastryčnika ŭ nieaficyjnym telehram-kanale HUBAZiKa.
Siarhiej Navumčyk u centry. Fota z sacsietak
Zatrymlivali Navumčyka adrazu niekalki siłavikoŭ — jany nalacieli na mužčynu, kali toj spakojna išoŭ pa vulicy.
Siłaviki śćviardžajuć, što Navumčyk pisaŭ u «ekstremisckich» čatach kamientary z zaklikami da supracivu orhanam unutranych spraŭ, a taksama dasłaŭ u bot kanała «Čornaja kniha Biełarusi» piersanalnyja źviestki niekalkich sudździaŭ.
My nie možam pravieryć praŭdzivaść hetych śćviardžeńniaŭ. Łukašenkaŭskija siłaviki raniej časta raspaŭsiudžvali zaviedamuju chłuśniu.
Suprać zatrymanaha, jak śćviardžajecca, raspačali kryminalnyja spravy pa artykułach ab raspalvańni varožaści i niezakonnych dziejańniach ź piersanalnymi danymi.
