Razam z rasijskimi vajskoŭcami ŭ Biełaruś zavoziać i bojeprypasy z Dalokaha Uschodu
Kanał «Live. Supolnaść čyhunačnikaŭ Biełarusi» paviedamiŭ, što razam z rasijskimi vajskoŭcami ŭ Biełaruś taksama idzie zavoz bojeprypasaŭ z arsienałaŭ Dalokaha Uschodu.
Rasijskija sałdaty, jakija prybyli ŭ Biełaruś. Skrynšot ź videa
Tak, čyhunačnikam stała viadoma, što 26 vieraśnia 2022 hoda z čyhunačnaj stancyi Knorynh u Prymorskim krai była adpraŭlenaja adna z hrup vahonaŭ u kolkaści 10 adzinak z paznakaj «VM» — vybuchovyja materyjały.
Ešałon prybyŭ na čyhunačnuju stancyju Iljino Nižaharodskaj vobłaści. Adtul ža vahony z bojeprypasami pa 2-3 adzinki pryčaplalisia da vajskovych ešałonaŭ pryznačeńniem u Biełaruś.
Śćviardžajecca, što 17 kastryčnika na čyhunačnuju stancyju Pałonka ŭ Baranavickim rajonie sa stancyi Iljino prybyŭ vajskovy ešałon z vajskoŭcami armii Rasii, da jakoha byli pryčeplenyja 2 vahony z bojeprypasami.
