Ukrainskaja vyviedka: Rasija choča ŭciahnuć Biełaruś u vajnu
Rasija sprabuje ŭciahnuć Biełaruś u adkrytuju vajnu z Ukrainaj, zajaviŭ pradstaŭnik Hałoŭnaha ŭpraŭleńnia raźviedki minabarony Ukrainy Vadzim Skibicki, paviedamlaje BBC.
«My bačym mierapryjemstvy, jakija pravodziacca Rasijaj dla taho, kab prymusić kiraŭnictva Biełarusi ŭstupić u adkrytuju vajnu. Pastajanna pravodziacca sustrečy Pucina i Łukašenki, dzie abmiarkoŭvajecca hetaje pytańnie, i Pucin sprabuje schilić Łukašenku da hetaha rašeńnia», — skazaŭ jon u teleefiry.
Pa danych ukrainskaj vajskovaj vyviedki, ciapier uzdoŭž ukrainskaj miažy i ŭ niepasrednaj blizkaści ad jaje skancentravana šeść biełaruskich vajskovych padraździaleńniaŭ. Siarod ich jość miechanizavanyja bataljony, bataljony pavietrana-desantnych vojskaŭ i śpiecnaz.
Pry hetym u vyviedcy miarkujuć, što sam Łukašenka kateharyčna suprać udziełu biełaruskich vojskaŭ u vajnie z Ukrainaj.
Napiaredadni ambasadaru Ukrainy ŭ Biełarusi była ŭručanaja dypłamatyčnaja nota, u jakoj śćviardžajecca, što kamandavańnie USU nibyta płanavała nanieści ŭdar pa terytoryi Biełarusi.
