Recept na vychadnyja. Hrybnyja kraścini — prostaja, ale niezvyčajnaja zakuska

Fota: BBC Food

Kab zhatavać hrybnyja kraścini, vam spatrebicca:

• 8 stałovych łyžak aliŭkavaha aleju
• 2 zubki časnaku: adzin ź ich treba ačyścić, druhi — drobna pasiekčy
• drobka mołataha piercu čyli ci mołataha čyrvonaha piercu
• 400 hramaŭ hryboŭ
• 1 stałovaja łyžka pasiečanaj śviežaj ci sušanaj piatruški
• 1 stałovaja łyžka pasiečanaha śviežaha ci sušanaha majaranu
• sol i mołaty čorny pierac
• 8 łustaŭ čornaha ci šeraha chleba

1. Razahrejcie ŭ patelni 6 stałovych łyžak aliŭkavaha aleju. Smažcie pasiečany časnok, pakul jon nie nabudzie załaty koler, dadajcie pierac i hryby i smažcie jašče dźvie-try chviliny ci da hatoŭnaści.
2. Dadajcie da hryboŭ piatrušku i majaran, prypraŭcie sollu i čornym piercam.
3. Padsmažcie łusty chleba z abodvuch bakoŭ. Troški natrycie kožnuju łustu z abodvuch bakoŭ zubkom časnaku i zmažcie aliŭkavym alejem, što ŭ vas zastaŭsia. Kali treba, parežcie łusty chleba na asobnyja porcyi. Vykładzicie na chleb hryby i padavajcie.

Čytajcie taksama:

Hryby — zdarovaja ježa? Voś što kaža dyjetołah

Recept na vychadnyja. Faršyravanyja bakłažany — kłasičny italjanski sialanski recept

Vialenyja pamidory ŭ chatnich umovach. Pravierany recept!

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

15

0

0

0

0

0