Salihorac daviedaŭsia, što staŭ achviaraj złačynstva, kali ŭbačyŭ svaju reč u nieznajomki na vulicy
Mužčyna niekalki miesiacaŭ tamu pazyčyŭ rovar pryjacielu, praŭda, toj nie śpiašaŭsia viartać čužy transpart. Jakoje ž było ździŭleńnie ŭładalnika, kali na vulicy jon sustreŭ nieznajomuju žančynu na svaim «dvuchkołavym», paviedamlaje abłasnaja milicyja.
Ilustracyjnaje fota «Naša Niva»
Nie pasaromieŭšysia spytać, adkul u žančyny hetaja reč, haradžanin daviedaŭsia, što taja kupiła rovar u łambardzie. Uładalnik ničoha nie viedaŭ i zhody svajoj nie davaŭ, tamu patelefanavaŭ u milicyju.
Apieratyŭniki ŭstanavili, što pryjaciel mužčyny, uziaŭšy rovar u časovaje karystańnie, nieŭzabavie abmianiaŭ jaho ŭ łambardzie na najaŭnyja.
U dačynieńni da «pradprymalnaha» fihuranta raspačataja kryminalnaja sprava pavodle č. 1 art. 211 KK RB — prysvajeńnie albo rastrata majomaści asobaj, jakoj jana davieranaja.
A dvuchkołavy transpart vierniecca da zakonnaha ŭładalnika.
Čytajcie taksama:
Pinčuk raźbiraŭ na mietałałom čyhunačnyja rejki
Pjany minčuk skraŭ motabłok, ale daloka źjechać nie zmoh. Što pryznačyŭ sud?
